الأحد، ديسمبر ٢٤، ٢٠٠٦

سلام كبير

وحشنى البلوج جدااااااااااً, أكتر من شهر مكتبتش حاجة... كل يوم ألقى نظرة سريعة على البلوج و لا أرد على أى تعليق و لا حتى أفكر أكتب حاجة لدرجة أن افتكرت أن هعتزل الكتابة, بس أنا تشجعت و كسرت جدران السجن, و خرجت تانى لنور , ايوه ما الكتابة نور و لا حد يقدر يقول لأ, لو كل المدونين كان البلوج بيشكل ليهم جزء هامشى فى حياتهم, فأنا بذات بيمثل لى البلوج مرحلة فى حياتى و لا أعرف تحديداً إذا كانت هتستمر أم لا, مش عارفة ليه خطر على بالى فجاًة يا ترى لو فى حد قرأ كل تدويناتى هيقدر يعرفنى من خلال كتابتى, و يا ترى هيعرف ايه عنى, أنا يمكن من الناس اللى نادراً ما كتبت أى حاجة عن حياتى الشخصية, بشتغل ايه أو فين, أو استخدمت المدونة لكتابة يومياتى الشخصية, لأن بصراحة ما بحبش حد يعرف أى شىء عنى, أنا من الناس اللى بتستمتع بدفن أسرارها لأعمق ما يكون, و بشعر بلذة غير عادية و أنا بخفى كل ما يخصنى عن معظم المقربين لى إلا شخص واحد فقط اللى هيفضل أمين لكل أسرارى و مخلص لى حتى آخر يوم فى عمره, ها عرفتوا و لا لسة, طبعاً بالبديهة كدة تبقى ماااااماااا, طولت فى الكلام و سلام حتى نلتقى

هناك ٦ تعليقات:

أميرة يقول...

والله انتى جدعة خليكى كدة بس ماتحرميناش من مواضيعك

وحمدالله ع السلامة

تحياتى ليكى

ALiaa يقول...

الناش أشكال و الوان... مش وحش انك كدة مدام مش مأذية منه... في ناس بتعيش في الأسرار و مأذية نفسيا.... أي حاجة في الدنيا بتبقي مرحلة... أنا واثقة انه مرحلة بالنسبة لي و هنشغل بعد كدة جامد و فكرت أقفله بس مش عايزة أقفله بس ماديهوش اهتمام زايد
بصراحة لأني جديدة عنك كتير بس خدت نبذة عنك من تعليقاتك في مدونة صديق انك بنوتة ملتزمة و حالمة و من الناس اللي ممكن يفيدوا البشرية لأن عندك مبادئ ثابتة جدا و أهداف أكتر من جميلة

sara86 يقول...

فأنا بذات بيمثل لى البلوج مرحلة فى حياتى و لا أعرف تحديداً إذا كانت هتستمر أم لا
بالضبط زيي
بس مع فارق انى انا بكتب كل اللى بحس بيه لان انا لو مفضفضتش هناك هافضفض فين
المهم حمدالله على السلامه واتمنى انك تستمرى
تحياتى اليكى ومتتاخريش علينا

safa يقول...

أميرة ويلز, شكلنا هنبقى أصحاب يا برنسيسة

safa يقول...

علياء, الكلام بتاعك كبير جداً و أنا شاكرة جداً لذوقك و رقتك معايا يا قمر

safa يقول...

سارة, تصورى أنك من القلائل اللى بيكرر الزيارة عندى و يسبلى تعليق جميل كدة زيك